سرّ السعادة

المؤلّف: الأب رمزي جريج اللعازري

الملحّن: جوزيف خليفة

طبقة الغناء: Cm

شو سرّ السعادي بحياتي اليوميّـي
شو سرّ القداسي بدعوة عاديّـي (٢)
وخدمة الفقـير بكـلّ الحـنيّي؟

شو سرّ الإبتسامي والمَـوتي الهنيّـي
التضحية الزوجيّي والأمومي الغنيّـي(٢)
وكيف بتصير العيلي للـربّ عليّـي؟

بالثقـة بالـربّ  البتولّـد الحـبّ
لتفيض الحياة البتضحّي بالذات
وبتتخطّى الممات   وبتوصل عالـجَنَّة

لَتزهِّر هالأرض وتتلوّن جَنَّة
صلّي عنّا صلّي معنا يا سـانتا جَنَّه (٢)

ليكبر بالحب كلّ واحد منّا
صلّي عنّا صلّي معنا يا سـانتا جَنَّه (٢)

لَنسلك هالدرب ونوصل عَالجَنَّة
خلّيك عنّا خلّيك معنا يا ربّ الجَنَّه (٢)