تيريزا يا قلب الإم

Paroles: P. Ramzi Jreige cm. - Elie Chamoun

Musique: Georges Nemr Nakhleh

Gamme: Bm

جيتي صغيرة بفعل كبير
وهيك تجسّد عنا الرب
أعمال صغيرة وقلب كبير
هيك بيتجسّد الحب
تيريزا يا قلب الإم
يلي بيعرف حاجة كل قلب

بليلة صرخلك “أنا عطشان”
شفتي عطشو بالانسان
قدّمتيلو كاسة ميّ
فجّر فيكي النبع الحيّ (٢)
تيريزا يا قلب الإم
علمينا نعطي الحنان

ولمّا صرخلك “أنا جوعان”
قلبي فاضي ولو مليان
قدّمتيلو كسرة خبز
وفاضت كل سلال الخبز (٢)
تيريزا يا قلب الإم
علمينا نعطي الإيمان

يوم الصرخلك “أنا مسجون”
مكبّل ضايع مين بكون؟
زيارة تقول: “بيّك رحمان”
حبّو بيتخطّى القضبان (٢)
تيريزا يا قلب الإم
علمينا نعطي الغفران

وللمريض وللتعبان
البلا كرامة ولا أمان
صبّيتي ع جراحو الزيت
وفتحتيلو كل البيت (٢)
تيريزا يا قلب الإم
علمينا نحب الانسان

والعريان البرّا الباب
لبّستيه ثوب الأحباب
قلتيلو في عندك بيّ
واللّي حدّك هوّي خيّ (٢)
تيريزا يا قلب الإم
علمينا نحب بلا حساب

علمينا عند المسكين
ولمّا منواسي الحزين
أو لمّا نداوي الموجوع
ونمسح من عينين دموع
نحنا ما عم نعمل خير
نحنا منتلاقى بيسوع